Gürcüstan Batumi şəhərində qadınlar arasında şahmat üzrə Dünya Kuboku start götürüb.

Prosport.Az xəbər verir ki, yarışın ilk günündə Azərbaycan millisinin 4 üzvündən yalnız 1-i qələbə qazanıb. Ülviyyə Fətəliyeva avstraliyalı Jilin Janqı məğlub edib.

Gövhər Beydullayeva iranlı Anahita Zahedifarla, Gülnar Məmmədova kanadalı Yunşan Li ilə heç-heçə razılaşıb. Xanım Balacayeva isə qazaxıstanlı Elnaz Kaliaxmetə uduzub.

Şahmatçılarımız bu gün cavab oyunlarını keçirəcəklər. 

Qeyd edək ki, Dünya Kubokunun ümumi mükafat fondu 691 250 ABŞ dollarıdır. Qalib şahmatçı 50 min dollar qazanacaq. Yekunda ilk üç yeri tutacaq şahmatçı İddiaçılar Turnirinə vəsiqə əldə edəcək.