"Çox xoşbəxtəm. 3 dəfə məğlub olmuşam. Ölkəmdə qalib gəldiyim üçün çox şadam".

Prosport.Az xəbər verir ki, bu sözləri UFC Döyüş Gecəsində İqnasio Bahamondesi məğlub edəndən sonra Rafael Fiziyev səsləndirib. O, döyüş planı barədə danışıb:

"Planım qalib gəlmək idi. Rəqibin mənə yeni nə öyrədəcəyini bilmirdim. İstəyirdim ki, rəqibi yerə yıxım, etdim. Azarkeşlər mənim davaya başlamağımı istəyirdi, istədim ki, mərkəzi göstərim ki, gəl burda davam edək. Lakin qərara gəldim ki, etməyim, planıma sadiq qalım". 

"Den Hukeri növbəti rəqibim kimi görmək istərdim. Hündür oğlanlara qarşı döyüşməyi xoşlayıram. Onun indi bir yeri var, onun tutduğu yeri almaq istəyirəm, əgər problem deyilsə", – deyə Rafael Fiziyev döyüşmək istədiyi növbəti idmançının adını açıqlayıb.