"Azərbaycandayıq. Məni kimsə burada məğlub etmək istəyirsə, tapança ilə gəlməlidir. Burada ancaq qələbə qazanmalıydım. Rəqibim də kifayət qədər güclü idi. Məni məğlub edə bilmədi. Çünki biz Azərbaycandayıq. Ölkəm üçün canımı verərəm. Mənim ürəyim Azərbaycanla döyünür".

Prosport.Az xəbər verir ki, bunu UFC-nin Bakıda keçirilən turnirində qələbə qazanan Nazim Sadıxov bildirib.

O, çıxdığı mətbuat konfransında isə bu sözləri bildirib: "ABŞ-yə uçuşumun vaxtını dəyişməli olacağam. Çünki ailəmlə birgə Azərbaycanın gözəl şəhəri Şuşaya səfər etmək istəyirəm. Döyüşdən sonra nənəmlə nə danışdığımı burada demək istəmirəm (gülür). Amma anamla hələ danışmamışam. Qazandığım pulu xeyirli işlərə sərf etmək istəyirəm. Bahalı maşın üçün hələ hazır deyiləm".

Qeyd edək ki, Nazim Sadıxov braziliyalı Nikolas Mottanı 2-ci raundda nokauta salıb.