Bakıda keçirilən UFC turnirində azərbaycanlı MMA idmançılarından 2-si qələbə qazanıb.

Prosport.Az-ın xəbərinə görə, Nazim Sadıxov ilk dəfə Vətənində keçirdiyi döyüşdə nokautla qələbə qazanıb.

ABŞ-də yaşayan idmançımız italyan əsilli braziliyalı Nikolas Mottanı 2-ci raundda nokauta salıb.

Nazim kimi vətənində ilk döyüşünə çıxan Rafael Fiziyev də çilili İqnasio Baamondesə 3 raundun yekununda (30:27, 30:27, 30:27) qalib gəlib.

UFC-də debüt edən Tofiq Musayev isə qırğızıstanlı Mıktıbek Orolbaya 1-ci raundda sındırma (kimura) fəndi ilə uduzub.

Həmçinin, gecənin əsas döyüşlərindən olan tacikistanlı Məhəmməd Naimov avstriyalı Boqdan Qradı (29:28, 29:28, 29:28) və amerikalı Körtis Bleyds rusiyalı Rizvan Kuniyevi (28:29, 29:28, 29:28) hakimlərin qərarına əsasən məğlub edib.

Qeyd edək ki, gecənn əsas döyüşündə amerikalılar – Camaal Hill və Xaili Rauntri döyüşür.