Rafael Fiziyev Azərbaycanda keçiriləcək UFC turnirinin əsas döyüşündə iştirak etməməsindən danışıb.

Prosport.Az xəbər verir ki, idmançı buna layiq olmadığını bildirib:

"Bu, proqram artıq tutulduğuna görə deyil, sadəcə, mən buna layiq olmadığıma görədir. Ardıcıl 3 məğlubiyyətim var. Bu dünyada qalib gəlməlisən, ona görə də əsas döyüşü mənə vermədilər. Turnirin mərkəzi görüşündə ardıcıl 3 döyüşdə uduzmuş bir oğlan iştirak etsə, bu heç də yaxşı olmaz”.

Qeyd edək ki, Bakıda keçiriləcək UFC turnirinin əsas döyüşü Xəlil Rountri və Camal Hill arasında olacaq. Rafael Fiziyev isə gecədə İqnasio Baamondeslə qarşılaşacaq. Turnir iyunun 21-də keçiriləcək.