Bakıdakı turnir çərçivəsində yüngül çəkidə Rafael Fiziyev və İqnasio Baamondes arasında keçiriləcək döyüş UFC-nin proqramına əlavə edilib.

Prosport.Az xəbər verir ki, dünyanın ən güclü liqası Azərbaycan və Çili döyüşçüləri arasındakı qarşılaşmanı rəsmən açıqlayıb.

32 yaşlı Rafael Fiziyev son 3 döyüşündə məğlub olub. O, hakimlərin qərarı ilə Castin Qeyciyə, sonra dizindən zədə alaraq Mateuş Qamrota, nəhayət revanş görüşündə yenə yekdil qərarla həmin Qeyciyə uduzub.

"Qəfəs" ("La Xaula") ləqəbli İqnasio Baamondes isə martda Caelin Törneri ilk raundda qol üçbucağı ilə boğaraq ardıcıl 3-cü qələbəsini qazanıb. Bundan əvvəl, 27 yaşlı çilili Kristos Yaqos və Manul Toresi nokaut edib.

Qeyd edək ki, Bakıdakı UFC turniri iyunun 21-də keçiriləcək.