UFC Bakıda keçiriləcək turnirdə iştirak edəcək rusiyalı idmançıların adlarını açıqlayıb.

Prosport.Az xəbər verir ki, Rusiya döyüş gecəsində 2 kişi və 2 qadın idmançı ilə təmsil olunacaq. Bunlar Tahir Ulanbəyov, Rizvan Kuniyev, İrina Alekseyeva və Darya Jeleznyakovadır.

Turnirin əsas döyüşündə yarımağır çəkidə keçmiş UFC çempionu, hazırda 4-cü yerdəki namizəd Camal Hill 7-ci pillədəki Xəlil Raundtri Cuniorla qarşılaşacaq.

Qeyd edək ki, döyüşlər iyunun 21-də Bakı Kristal Zalında baş tutacaq.