Serbiyanın Zlatibor şəhərində keçirilən U-15 Gimnaziasında stolüstü tennis yarışları davam edir.

Prosport.Az xəbər verir ki, bu gün Oyunlarda Azərbaycanın oğlan və qızlardan ibarət milliləri qrup mərhələsi çərçivəsində növbəti oyunlarına çıxıb.

Ramil Cəfərovun başçılıq etdiyi oğlanlardan ibarət milli komandamız 3-cü matçında İraqla üz-üzə gəlib. Hindistan-1-ə 5:2, Uqanda-2-yə 6:1 hesabı ilə qalib gəlib, Braziliyaya 3:4 hesabı ilə uduzan Onur Quluzadə, Tunar Bağırov, Uğur Nəzərli və Şakir Qədirovdan ibarət yığma 4-cü duelindən də qalib ayrılıb – 5:2.

Yekunda C qrupunda 19 xalla 2-ci yeri tutan yığma 1/4 finala yüksəlib. Aprelin 10-da keçiriləcək qarşılaşmada komandamız D qrupunda 1-ci olan Polşa ilə qarşılaşacaq.

Səbinə Əzizlinin rəhbərlik etdiyi Yağmur Məmmədli, Banu Baytallı, Xədicə Eylazova və Mələk Əhmədzadədən ibarət komandamız isə 5-8-ci yerlər uğurda yarışacaq.

Çinə 0:7, Serbiyaya 1:6 hesabı ilə məğlub olub, Bosniya və Herseqovinanın Serb Respublikasına 7:0 hesabı ilə qalib gələn yığma bu gün Braziliyaya 1:6 hesabı ilə uduzub. Ardınca Şimali Makedoniyaya 5:2 hesabı ilə qalib gəlsək də, növbəti mərhələyə vəsiqə əldə edilməyib. Komandamız 5-8-ci yerlər uğrunda görüşdə ilk matçını aprelin 10-də Polşaya qarşı keçirəcək.

Qeyd edək ki, Gimnaziadada fərdi yarışlar da olacaq.