Azərbaycanın paraüzgüçüləri Serbiyada keçirilən U-15 Gimnaziadada 2 medal qazanıb.

Prosport.Az xəbər verir ki, Ujitse şəhərində keçirilən yarışda Murad Məmmədov 200 m məsafəyə sərbəst üsulla üzmədə finişə 2,28.00 dəqiqəyə çataraq, gümüş medal qazanıb.

Digər paraüzgüçümüz Rəsul Süleymanov isə 50 m məsafəni brass üsulu ilə 55 saniyəyə qət edərək, bürünc medala yiyələnib.

Bununla da Azərbaycan idmançılarının Gimnaziadada qazandığı medalların sayı 25-ə yüksəlib. Hazırda idmançılarımız 8 qızıl, 6 gümüş və 11 bürünc medal qazanıb.

Qeyd edək ki, bu gün mübarizəyə qoşulan üzgüçülərdən heç biri finala çıxa bilməyib.