Azərbaycanın 2 parabadmintonçusu qızıl medal qazanıb

Prosport.Az xəbər verir ki, Serbiyada keçirilən U-15 Gimnaziadada parabadminton yarışlarına start verilib.

Ujitse şəhərində keçirilən yarışlarda Azərbaycan təmsilçiləri Zəhra Salmanlı və Əli Məhərrəmov uğurla çıxış edib.

Zəhra Salmanlı ilk mərhələdə digər azərbaycanlı idmançı İlkin Bağırzadə ilə qarşılaşıb və qalib gəlib – 21:6, 21:12. Növbəti mərhələdə braziliyalı rəqibini  (21:8, 21:16) məğlub edən Zəhra həlledici raundda beninli idmançını (21:5, 21:5) üstələyərək qızıl medala sahib çıxıb.

Əli Məhərrəmov isə ilk mərhələdə Benin (21:7, 21:10), digər 2 raundda isə braziliyalı idmançılara (21:13, 21:17; 21:18, 21:15) qalib gələrək qızıl medal qazanıb.