U-15 Dünya Məktəb Oyunları – Gimnaziadada badminton üzrə qarışıq komandamız Çinə böyük hesabla uduzub.

Prosport.Az-ın Serbiyanın Ujitse şəhərinə ezam olunmuş əməkdaşın xəbərinə görə, komandamız D qrupunda son görüşünü güclü Çinə qarşı keçirib və 15:75 hesabı ilə məğlub olub.

Bununla da komandamız qrupu 0 xalda bitirib.

Xatırladaq ki, oğlan və qızlardan ibarət badminton millimiz daha əvvəl Bolqarıstana və Makaunun (Çin) B komandasına uduzmuşdu.

17:08

U-15 Dünya Məktəb Oyunları – Gimnaziadada badminton üzrə qarışıq komandamız qrupda qalıb.

Prosport.Az-ın Serbiyanın Ujitse şəhərinə ezam olunmuş əməkdaşın xəbərinə görə, komandamız Çin Makausunun B komandasına 63:75 hesabı ilə uduzub. Bununla da komandamızın qrupdan çıxmayacağı dəqiqləşib.

Son turda badmintonçularmız Çinlə qarşılaşacaq.

Xatırladaq ki, oğlan və qızlardan ibarət badminton millimiz daha əvvəl Bolqarıstana 59:75 hesabı ilə uduzmuşdu.

13:58

U-15 Dünya Məktəb Oyunları – Gimnaziadada badminton üzrə qarışıq komandamız mübarizəyə başlayıb.

Prosport.Az-ın Serbiyanın Ujitse şəhərinə ezam olunmuş əməkdaşının xəbərinə görə, komandamız ilk olaraq Bolqarıstanla qarşılaşıb və 59:75 hesabı ilə uduzub.

Bu gün badminton komandamız Çin Makaosunun B komandası və Çinlə də qarşılaşacaq.