UFC-nin yüngül çəkidə azərbaycanlı döyüşçüsü Rafael Fiziyev amerikalı Castin Qeyci ilə görüşdə avstraliyalı Den Hukeri əvəzləməyə hazır olduğunu açıqlayıb.

Prosport.Az xəbər verir ki, bu döyüş ABŞ-nin Las-Veqas şəhərində "UFC 313" turniri çərçivəsində keçirilməli idi. Amma bir müddət əvvəl Hukerin döyüşdən imtina etdiyi barədə xəbərlər yayılmışdı.

Fiziyev sosial şəbəkədə istəyini belə ifadə edib: “Gəl təkrarlayaq, Castin”.

Qeyd edək ki, Castin Qeyci və Rafael Fiziyev artıq bir dəfə döyüşüb. Onların görüşü 2023-cü ilin martında "UFC 286" turnirində baş tutub və 3 raunddan sonra yekdil qərarla amerikalının qələbəsi ilə başa çatıb. Bu, Fiziyevin dünyanın ən nüfuzlu təşkilatında 3-cü məğlubiyyəti olub.