Bu həftəsonu şahmat üzrə Almaniya Bundesliqasında növbəti oyunlar keçiriləcək.

Prosport.Az xəbər verir ki, "Viernheym" klubunun şərəfini qoruyan azərbaycanlı qrossmeyster Şəhriyar Məmmədyarov da bu turda çıxış edəcək.

Rəqiblərindən 1 oyun az keçirən komanda 8 turdan sonra 11 xalla 5-ci yerdədir.

"Viernheym" fevralın 22-də “Bad Mergentheym”lə, ertəsi gün isə “Drezden”lə qarşılaşacaq.

Qeyd edək ki, "Viernheym"in heyətində Hikaru Nakamura (ABŞ), Nodirbek Abdusattorov (Özbəkistan), Yan-Kşiştof Duda (Polşa) və digər məşhur şahmatçılar da var.