Azərbaycanın çimərlik voleybolu üzrə 18 yaşadək oğlanlardan ibarət millisi (U-18) Latviya açıq çempionatının əsas mərhələsində gümüş medal qazanıb.

Prosport.Az xəbər verir ki, qrup və pley-off mərhələsindən ibarət olan yarışda yığma Məhəmməd Aslanlı – İbrahim Məmmədov cütlüyü ilə təmsil olunub.

Milli həlledici görüşdə ev sahiblərinə 1:2 hesabı ilə uduzaraq fəxri kürsünün 2-ci pilləsində qərarlaşıb.

Yarışda Azərbaycan və Litva hərəyə 1, Estoniya 2, Latviya 12 komanda ilə təmsil olunub.

Qeyd edək ki, millimiz Atvars Vildenin rəhbərliyi ilə fevralın 23-dək Latviyada təlim-məşq toplanışı keçəcək.