Gəncə və 6 şəhərimizdə keçiriləcək III MDB Oyunlarının yarışlarının hansı şəhərdə olacağı müəyyənləşib.

Prosport.Az-ın əldə etdiyi xəbərə görə, turnirin açılış mərasimi və bağlanış mərasimi yeni inşa edilən Gəncə şəhər stadionunda baş tutacaq.

Gəncə
Qılıncoynatma, güllə atıcılığı, üzgüçülük, voleybol (İdman Sarayı)
Güləş (Olimpiya İdman Kompleksi)
Basketbol 3x3 (Açıq hava məkanı)

Göygöl
Cüdo, sambo (Olimpiya İdman Kompleksi)

Mingəçevir
Avarçəkmə, kanoe, karate, taekvondo ("Kür" Olimpiya İdman-Tədris Mərkəzi)

Yevlax
Boks (Olimpiya İdman Kompleksi)

Xankəndi
Kamandan oxatma (Mərkəzi stadion)

Qəbələ
Badminton, stolüstü tennis (Olimpiya İdman Kompleksi)
Futbol U-16 (Mərkəzi stadion)
Stend atıcılığı (Atıcılıq klubu)

Şəki
Bədii gimnastika, batut gimnastikası (Olimpiya İdman Kompleksi)
Çövkən (Şəhər stadionu)

Qeyd edək ki, əvvəlki proqramda atletika, breyk dans, həndbol, mas-reslinq, velosiped, çimərlik voleybolu da vardı. Bu yarışların, həmçinin, paralimpiya proqramı üzrə nəzərdə tutulan cüdo, karate, taekvondo və üzgüçülüyün keçirilməsinə ehtiyac duyulmayıb.

Xatırladaq ki, III MDB Oyunları 28 sentyabr – 8 oktyabr tarixlərində baş tutacaq.

Səbuhi Musa