Bu ilin payızında Azərbaycanda keçiriləcək III MDB Oyunlarının vaxtı dəyişdirilib.

Prosport.Az-ın xəbərinə görə, ilkin proqramda yarışım oktyabrın sonları – noyabrın əvvəllərində baş tutması nəzərdə tutulmuşdu.

Lakin III MDB Oyunları sentyabrın sonları – oktyabrın əvvəllərində keçiriləcək. Həmçinin, ilkin proqramdan fərqli, breykinq (breyk-dans) bu dəfə yoxdur.

Qeyd edək ki, III MDB Oyunlarının ev sahibi rəsmi olaraq Gəncə qəbul edilsə də, turnir digər 13 şəhərimizdə də keçiriləcək. Bunlar Xankəndi, Mingəçevir, Qəbələ, İsmayıllı, Şəki, Şəmkir, Tovuz, Qazax, Göygöl, Yevlax, Oğuz, Tərtər və Goranboydur.

MDB Oyunlarının proqramına isə bu idman növləri daxildir: akademik avarçəkmə, kanoe, atletika, badminton, basketbol (3x3), gimnastika (batut və bədii gimnastika), boks, çövkən, cüdo, futbol, atıcılıq (stend və güllə atıcılığı), həndbol, kamandan oxatma, karate, mas-reslinq, güləş (sərbəst, yunan-Roma və qadın güləşi), qılıncoynatma, sambo, stolüstü tennis, taekvondo, üzgüçülük, velosiped, voleybol (klassik və çimərlik voleybolu), paracüdo, parakarate, parataekvondo, paraüzgüçülük.