Azərbaycanlı qrossmeyster Şəhriyar Məmmədyarov İstanbulun Sabiha Gökçen Hava Limanında problemlə üzləşib.

Prosport.Az xəbər verir ki, bu barədə türkiyəli FIDE ustası Səlim Gürcan “Satranc Okulu” kanalında məlumat verib.

Bildirilib ki, bir neçə gün öncə Şəhriyar Məmmədyarov Londonda iştirak etdiyi turnirdən geri dönərkən Sabiha Gökçen Hava Limanında gömrük işçiləri onu şübhəli bilərək saxlayıb və qaçaqmalçılıqda ittiham edib.

Hətta qrossmeysterin əlindəki şahmat alınıb və fiqurların içinə bir-bir baxılıb. Daha sonra o, Azərbaycan şahmatçısı olduğunu bildirib.

Gömrük işçiləri internetdə onunla bağlı məlumatları oxuduqdan sonra üzr istəyərək keçməsinə icazə veriblər.