Voleybol üzrə Azərbaycan çempionatında yeni mövsümə dekabrın 3-də start veriləcək.

Prosport.Az xəbər verir ki, həm qadınların, həm də kişilərin Yüksək Liqasında 6 komanda mübarizə aparacaq.

Reqlamentə əsasən, liqalar 2 dövrədən ibarət olacaq (ev-səfər) və oyunlar dairəvi sistem üzrə keçiriləcək. Bu dövrələrdən sonra ilk 4 pilləni tutacaq komandalar play-off mərhələsinə yüksələcək.

Qadınların yarışında “Azərreyl”, “Abşeron”, “Murov Az Terminal”, “Gəncə”, “Milli Aviasiya Akademiyası”, UNEC, kişilərin mübarizəsində isə MOİK, “Murov Az Terminal”, “Azərreyl”, “Xilasedici”, “Gənclər” və “Neftçi” komandaları qüvvəsini sınayacaq.

Ölkə çempionatının 2024/2025-ci illər mövsümündə ilk qarşılaşmalar qadın komandaları arasında keçiriləcək. Dekabrın 3-də qadınların Yüksək Liqasında ilk turun oyunları baş tutacaq. Kişilərin mübarizəsində isə I turun oyunları 4-5 dekabr tarixlərində təşkil olunacaq.

Azərbaycan çempionatı 
Yüksək Liqa (qadınlar)
I tur 
3 dekabr 
14:00 “Gəncə” – “Abşeron” 
Gəncə İdman sarayı

15:00 “Milli Aviasiya Akademiyası” – “Azərreyl”
GİN-nin Voleybol Mərkəzi

17:00 “Murov Az Terminal” – UNEC
"Murov Az Terminal" VK-nın idman zalı

Yüksək Liqa (kişilər)
I tur 
4 dekabr
15:00 “Murov Az Terminal” – MOİK
"Murov Az Terminal" VK-nın idman zalı

17:00 “Neftçi” – “Azərreyl”
GİN-nin Voleybol Mərkəzi

5 dekabr
16:00 “Gənclər” – “Xilasedici”
Sumqayıt OİK