Kişi həndbolçulardan ibarət “Kür” komandasının Avropa Kubokunun 1/16 final mərhələsində İslandiyanın “Haukar” komandası ilə keçirəcəyi oyunlara hakim təyinatları açıqlanıb.

Prosport.az xəbər verir ki, görüşü Moldovadan olan referilər – Kristina Sirbu və Viktor Serdiuç idarə edəcəklər. Görüşün EHF (Avropa Həndbol Federasiyası) nümayəndəsi isə türkiyəli Kənan Gökmən olacaq.

Komandalar arasında hər iki oyun Mingəçevirdəki “Kür” Olimpiya İdman-Tədris Mərkəzində keçiriləcək. Noyabrın 30-da oynanılacaq ilk matçda “Haukar”, ertəsi gün təşkil ediləcək cavab görüşündə isə “Kür” meydan sahibi olacaq.