Futbol millimizin və "Qarabağ"ın sabiq kapitanı Maksim Medvedevin qızı Sofiya Medvedeva Birləşmiş Ərəb Əmirliklərinin (BƏƏ) Dubay şəhərində keçirilən beynəlxalq yarışda 4 medal qazanıb.

Prosport.Az-ın xəbəriə görə, BƏƏ Üzgüçülük Federasiyasının APEX adlı idman qurumu ilə birgə keçirdiyi yarışda Sofiya 2 qızıl və 2 gümüş medal qazanıb.

Atası Maksim Medvedev qızını Heydər Əliyev Beynəlxalq Aeroportunda gül-çiçəklə qarşılayıb.

Qeyd edək ki, Maksim Medvedevin bütün övladları idmanla məşğuldur. Onun oğulları – Daniil və Miroslav Medvedevlər də "Qarabağ"ın 14 yaşadək (U-14) komandasının müdafiəçiləridir. Ataları isə U-14-də məşqçilik edir.