MMA idmançımız Vüqar Kərəmov həbsdən çıxdıqdan sonra ilk döyüşünü keçirəcək.
Prosport.Az-ın xəbərinə görə, Vüqar noyabrın 17-də yaponiyalı Kazumasa Macima ilə döyüşəcək.
Bu döyüş Yaponiyanın Naqoya şəhərində "Rizin" təşkilatının "Landmark 10" turniri çərçivəsində keçiriləcək.
Qeyd edək ki, bu döyüş fevralın 24-də baş tutmalı idi. Lakin bu ilin əvvəlində Vüqar Kərəmov əsassız səbəbdən həbsə düşdüyündən, döyüş keçirilməmişdi. Kərəmov iyulun sonunda həbs olunan müəllimi Ruslan Əfəndiyevlə birgə azadlığa buraxılıb.
