Qadın həndbolçulardan ibarət Azərbaycan komandaları Avropa Kubokunun 1/32 final mərhələsinin ilk oyununa çıxıb.

Prosport.Az xəbər verir ki, Bakıdakı "AHF Arena"da Lüksemburqun "Red Boys" (Diferdanj) klubu ilə üz-üzə gələn son ölkə çempionu "Qarabağ" 27:24 hesabı ilə qalib gəlib.

"Azəryol" isə Ukraynanın "Qaliçanka" (Lvov) komandasına eyni məkanda uduzub – 22:36.

Mingəçevirin "Kür" komandası Yunanıstanda yenilib. Təmsilçimiz Afinada "İoanias" (Nea İoniya) komandasına 25:32 məğlub olub. 

Qeyd edək ki, sabah sözügedən məkanlarda bu komandalar arasında cavab oyunu baş tutacaq.