Hindistan şahmatçısı Vidit Santoş Qucrati ilk dəfə Şuşada keçiriləcək Vüqar Həşimov Memorialında iştirak edə bilməyəcək.

Prosport.Az xəbər verir ki, 30 yaşlı qrosmeysteri həmyerlisi Aravind Çitambaram əvəzləyəcək. Dəyişikliyin hansı səbəbdən baş verdiyi bəlli deyil.

Daha əvvəl polşalı şahmatçı Yan-Kşıştof Dudanın səhhətindəki problemə görə yarışa qatıla bilməyəcəyi açıqlanıb.

Qeyd edək ki, turnirdə ümumilikdə 8 şahmatçı mübarizə aparacaq. Qrosmeysterlər rapid və blits növündə mübarizə aparacaq.

Vüqar Həşimov Şahmat Fondu, Gənclər və İdman Nazirliyi, AŞF-nin təşkilatçılığı ilə keçiriləcək Vüqar Həşimov Memorialı sayca 10-cu dəfə baş tutacaq. Ənənəvi yarışa əvvəlki illərdə Şəmkir, Bakı və Qəbələ ev sahibliyi edib.