Milimizin və "Qarabağ"ın sabiq futbolçusu Maksim Medvedevə UEFA Millətlər Liqasında İsveçlə oyundan öncə AFFA tərəfindən xatirə hədiyyəsi verilib.

Prosport.Az xəbər verir ki, keçmiş futbolçu milli komandada göstərdiyi xidmətlərə görə xüsusi qiymətləndirilib, ona təşəkkür edilib.

Xatirə hədiyyəsini Medvedevə AFFA-nın icraçı vitse-prezidenti Sərxan Hacıyev və millimizdə 111 oyun keçirmiş, "Zirə" klubunun baş məşqçisi Rəşad Sadıqov təqdim edib.

Qeyd edək ki, müdafiəçi Azərbaycan millisində 81 oyun keçirib, 4 qol müəllifi olub. O, ötən mövsüm bitdikdən sonra futbolçu karyerasını nöqtələyib. Maksim Medvedev hazırda "Qarabağ"ın U-14 komandasında məşqçi işləyir.