“Qarabağ” komandası növbəti transferini reallaşdırıb.

Prosport.Az xəbər verir ki, Ukraynanın “Şaxtyor” (Donetsk) klubu ilə müqaviləsi bitdikdən sonra azad agent statusu daşıyan Aleksey Kaşşuk heyətə cəlb edilib. 24 yaşlı hücuma meylli yarımmüdafiəçi ilə 3 illik müqavilə imzalanıb.

“Şaxtyor”un (Donetsk) yetirməsi olan Aleksey Kaşşuk 2019-2022-ci illərdə icarə əsasında ölkəsində “Mariupol”un, 2022-2023-cü illər mövsümündə isə Azərbaycanda “Sabah”ın formasını geyinib. Ukraynanın aşağı yaş qrupu üzrə bütün yığmalarında çıxış etmiş yarımmüdafiəçi 2019-cu ildə 20 yaşadək futbolçulardan ibarət milli komandalar arasında keçirilən dünya çempionatının qalibi olub.