Futbol klublarımız bu yay transferlərə ümumilikdə 4,33 milyon dollar məbləğində vəsait xərcləyib.

Prosport.Az xəbər verir ki, FIFA-nın yay transfer pəncərəsinin nəticələrinə dair hesabatına əsasən, Azərbaycan bu göstəricidə dünyada 38-cidir.

Beynəlxalq federasiya 2024-cü ilin yayında Azərbaycan klublarının 70 gələn və 41 gedən transferini qeydə alıb. Yay transfer pəncərəsinin lideri İngiltərə olub: ada klubları transferlərə 1,69 milyard dollar məbləğində vəsait xərcləyib.

Siyahıda İtaliya (825 milyon dollar) 2-ci, Fransa (697 milyon dollar) 3-cü olub. Növbəti yerləri isə İspaniya və Almaniya (müvafiq olaraq, 599 milyon dollar və 572 milyon dollar) tutub.