Azərbaycanın daha bir təmsilçisi Paris-2024 Yay Paralimpiya Oyunlarında qızıl medal qazanıb.

Prosport.Az xəbər verir ki,T12 kateqoriyasında yer alan paraatlet Səid Nəcəfzadə uzunluğa tullanma növündə çıxış edib.

O, 7,27 metr nəticə ilə paralimpiya çempionu olub.

Qeyd edək ki, daha əvvəl Azərbaycanın hesabında 1 qızıl, 1 gümüş və 1 bürünc medal olub. Roman Saley 100 metr məsafəyə arxasıüstə üzməkdə gümüş mükafat əldə edib. Daha əvvəl isə Azərbaycan parataekvondoçusu İmaməddin Xəlilov (70 kq) qızıl, Sabir Zeynalov (58 kq) bürünc medala sahib çıxıb.