Bu gün İspaniyanın Pontevedra şəhərində güləş üzrə U-20 dünya çempionatı start götürəcək.

Prosport.Az xəbər verir ki, yarışın ilk günündə yunan-Roma güləşçiləri mübarizəyə qoşulacaqlar.

5 pəhləvanımız xalça üzərinə çıxacaq.

55 kq-da Rahim Həsənov ilk görüşündə çexiyalı Filip Bartoşiki sınağa çəkəcək.

63 kq-da Məhəmməd Şükürzadə serbiyalı Hristo Valentinovdan üstün olmağa çalışacaq.

77 kq-da Davud Məmmədov moldovalı Aleksandru Soloveu ilə üz-üzə gələcək.

87 kq-da yer alan Coci Səmədov 1/8 finalda Andriya Mihayloviç (Serbiya) / Kauan Luiz (Braİliya) cütünün qalibinə rəqib olacaq.

130 kq-da isə Məzaim Mərdənov ilk olaraq Serbiyanı təmsil edən Marko Supiçlə qarşılaşacaq.

Qeyd edək ki, Azərbaycan yığması mundialda 25 idmançı ilə təmsil olunur. Dünya çempionatına sentyabrın 8-də yekun vurulacaq.