"Paralimpiya Oyunlarında 5-ci dəfə fəxri kürsüyə yüksəldim".

Prosport.Az xəbər verir ki, bunu Fransada keçirilən Paris-2024 Yay Paralimpiya Oyunlarında gümüş medal qazanan Azərbaycan paraüzgüçüsü Roman Saley deyib.

30 yaşlı belaruslu idmançı Paralimpiada tarixində beşinci dəfə fəxri kürsüdə yer aldığını xatırladıb: "Qarşıda məni daha 3 üzmə üsulunda mübarizə gözləyir. Çalışacağam ki, Azərbaycanı layiqincə təmsil edim. Bunun üçün əlimdən gələni edəcəyəm".

Qeyd edək ki, Roman Saley sabah S13 kateqoriyasında 50 m sərbəst, sentyabrın 4-də 100 m sərbəst, sentyabrın 7-də isə 100 m batterflay üsullarında yarışacaq.