Türkiyə I Liqasının ən dəyərli 100 futbolçusunun siyahısı açıqlanıb.

Prosport.Az xəbər verir ki, siyahıda "Ankaragücü"də çıxış edən Azərbaycan millisinin hücumçusu Renat Dadaşov da yer alıb.

Dəyəri 1,80 milyon avro olan 25 yaşlı forvard 4-cü pillədə qərarlaşıb.

Siyahıya Dadaşovun rumıniyalı komanda yoldaşı Olimpiu Morutan (3 milyon avro) başçılıq edir. Ankara təmsilçisinin digər oyunçusu Efkan Bəkiroğlu (2,20 milyon avro) ikinci, "Amedspor"dan Adama Traore (2 milyon avro) üçüncüdür.

Qeyd edək ki, Renat Dadaşov avqustun 8-də paytaxt klubu ilə 2 illik müqavilə imzalayıb.