Parataekvondo üzrə dünya və Avropa çempionumuz İmaməddin Xəlilov Fransada keçirilən Paris-2024 Yay Paralimpiya Oyunlarının qızıl medalını qazanıb.

Prosport.Az xəbər verir ki, 26 yaşlı idmançı finalda Avropa çempionu, bu il Serbiyanın paytaxtı Belqradda keçirilmiş qitə çempionatının finalında 14:1 məğlub etdiyi Fatih Çəliklə (Türkiyə) qarşılaşıb. O bu dəfə də rəqibinə asanlıqla qalib gəlib – 15:2. Bununla da idmançımız fəxri kürsünün ən yüksək pilləsinə qalxıb.

Qeyd edək ki, bu, Azərbaycanın Paris-2024-də əldə etdiyi 2-ci medal olub.

Xatırladaq ki, Paralimpiadanın ilk günündə parataekvondoçumuz Sabir Zeynalov (58 kq) bürünc medal qazanmışdı.

21:30

Parataekvondoçumuz İmaməddin Xəlilov Fransada keçirilən Paris-2024 Yay Paralimpiya Oyunlarında yarımfinal görüşünə çıxıb.

Prosport.Az xəbər verir ki, 70 kq çəki dərəcəsində yer alan idmançımız bu mərhələdə Cəvahir Əliqulovla (Özbəkistan) üz-üzə gəlib.

Rəqibinə 7:2 hesabı ilə qalib gələn Xəlilov finala vəsiqə qazanıb. Bununla da parataekvondoçumuz ən azı gümüş medalı özü üçün təmin edib.

Qeyd edək ki, İmaməddin Xəlilov həlledici görüşdə türkiyəli Fatih Çəliklə qarşılaşacaq.

15:23

Azərbaycan parataekvondoçusu İmaməddin Xəlilov Fransada keçirilən Paris-2024 Yay Paralimpiya Oyunlarında mübarizəyə başlayıb.

Prosport.Az xəbər verir ki, K44 kateqoriyasında 70 kq çəki dərəcəsində yer alan idmançı 1/4 finalda Miçel Suareslə (Kuba) üz-üzə gəlib.

Rəqibinə 12:2 hesabı ilə qalib gələn Xəlilov yarımfinala vəsiqə qazanıb.

Qeyd edək ki, Paralimpiada sentyabrın 8-də başa çatacaq.