UEFA Avropa Liqasının yeni formatda keçiriləcək əsas mərhələsinin püşkü atılıb.

Prosport.Az xəbər verir ki, mərasimdə "Qarabağ"ın da rəqibləri bəlli olub.

Ağdam klubu Liqa mərhələsində Niderlandın “Ayaks”, İngiltərənin “Totenhem”, Fransanın “Lion”, Yunanıstanın “Olimpiakos”, İsveçin “Malmö” və "Elfsborq", Norveçin “Budö/Qlimt” və Rumıniyanın “Styaua” klubları ilə qarşılaşacaq. Azərbaycan çempionu 4 oyunu evdə, digər 4-nü isə səfərdə keçirəcək.

Əsas mərhələdə 36 klub mübarizə aparacaq. 8 turdan sonra ilk 8 yeri tutan komandalar 1/8 finala, 9-24-cü yerlərin sahibləri pley-offa yüksələcək. Digər 12 iştirakçı mübarizəni dayandıracaq.

Liqa mərhələsinin oyun günləri də bəllidir. İlk 6 tur bu il, son 2 tur gələn il baş tutacaq.

2024-cü il

I tur

25-26 sentyabr

“Qarabağ” – “Ayaks”

II tur

3 oktyabr

“Totenhem” – “Qarabağ”

III tur

24 oktyabr

“Qarabağ” – “Lion”

IV tur

7 noyabr

“Olimpiakos” – “Qarabağ”

V tur

28 noyabr

“Qarabağ” - “Malmö”

VI tur

12 dekabr

“Budö/Qlimt” – “Qarabağ”

2025-ci il

VII tur

23 yanvar

“Qarabağ” – “Styaua”

VIII tur

30 yanvar

“Elfsborq” – “Qarabağ”