"Qarabağ"ın UEFA Avropa Liqasının püşkatma mərasimində yer ala biləcəyi səbətlər bəlli olub.

Prosport.Az xəbər verir ki, Azərbaycan çempionu 2-ci və ya 3-cü səbətdə qərarlaşacaq.

Hazırda turnirdə iştirak edəcək 24 kollektiv dəqiqləşib. Digər 12 komandanın adına isə bu gün keçiriləcək pley-off mərhələsinin cavab qarşılaşmalarından sonra aydınlıq gələcək.

Yarışda iştirakı dəqiqləşən klubların səbətləri:

I səbət: "Roma", "Latsyo" (hər ikisi İtaliya), "Mançester Yunayted", "Totenhem" (hər ikisi İngiltərə), "Ayntraxt" (Almaniya), "Portu" (Portuqaliya), "Reyncers" (Şotlandiya), "Slaviya" (Çexiya).

I və ya II səbət: "Real Sosyedad" (İspaniya).

II səbət: AZ (Niderland), "Lion" (Fransa), "Fənərbağça" (Türkiyə), "Olimpiakos" (Yunanıstan).

II və ya III səbət: "Qarabağ" (Azərbaycan), "Qalatasaray" (Türkiyə), "Budö/Qlimt" (Norveç), "Yunion" (Belçika), "Dinamo" (Kiyev, Ukrayna).

III və ya IV səbət: "Midtülann" (Danimarka), "Malmö" (İsveç), "Atletik" (İspaniya), "Hofenhaym" (Almaniya), "Nitsa" (Fransa), "Tvente" (Niderland).

Qeyd edək ki, UEFA Avropa Liqasında Liqa mərhələsinin püşkü avqustun 30-da atılacaq. Tədbir Bakı vaxtı ilə saat 15:00-da start götürəcək.