"Bakıdakı cavab oyunu çox maraqlı ola bilərdi. 3:0 hesabı böyük üstünlükdür. "Dinamo" ilk matçda 4-cü və 5-ci qolu da vura bilərdi".

Prosport.Az xəbər verir ki, bunu "Neftçi"nin futbolçusu Filip Ozobiç "Qarabağ"ın Bakıda "Dinamo"ya qarşı keçirəcəyi Çempionlar Liqasının pley-off mərhələsinin cavab oyunundan əvvəl deyib.

2018-2023-cü illərdə Ağdam klubunun formasını geyinmiş yarımmüdafiəçi Azərbaycan təmsilçisinin Zaqrebdəki ilk matçda çoxlu qol şansının olduğunu bildirib: "Ancaq fərqlənə bilmədilər. Ən azı bir saat keyfiyyətli oyun nümayiş etdirdilər. Cinahlardan hücum edirdilər, arxa xətdə isə çoxlu boşluq var idi. "Qarabağ" cavab qarşılaşmasında tez qol vurmaq istəyəcək. "Dinamo" Bakıdakı matçın asan olmayacağını başa düşməlidir. Zaqreb təmsilçisi hesabı qorumağa çalışan komanda deyil. Keyfiyyətli futbolçuları var və həmişə hücum barədə düşünürlər. Komandanın bu görüşdə oyun üslubunu dəyişəcəyini düşünmürəm".

Qeyd edək ki, sabah təşkil olunacaq "Qarabağ" – "Dinamo" qarşılaşması saat 20:45-də start götürəcək.