Kiprin "Omoniya" klubunun baş məşqçisi Valdas Dambrauskas ölkə çempionatının açılış turunda “Etnikos" üzərində qazanılan qələbəni (3:0) şərh edib. 

Prosport.Az xəbər verir ki, litvalı mütəxəssis UEFA Konfrans Liqasının pley-off mərhələsində Bakıda "Zirə"yə qarşı keçirəcəkləri cavab matçına da toxunub:

"Bir neçə gün əvvəl "Zirə" ilə oyunda çox enerji sərf etmişdik. Sürətli oynamaq və üstün olmaq istəyirik. “Etnikos”la görüşdə oyun praktikası az olan futbolçulara fiziki formalarını yaxşılaşdırmaq üçün vaxt verdik. Ən əsası odur ki, üç xal qazandıq. İndi isə Azərbaycana işi başa çatdırmaq üçün gedirik".

Qeyd edək ki, “Zirə” ilk matçda “Omoniya”ya 0:6 hesabı ilə uduzub. Cavab qarşılaşması avqustun 29-da keçiriləcək.