"Qarabağ"ın UEFA Çempionlar Liqasının pley-off mərhələsində rəqibi olan Zaqreb "Dinamo"su Ağdam klubunun bir futbolçusuna elçi düşüb.

Prosport.Az transferfeed.com saytına istinadən xəbər verir ki, Xorvatiya çempionu "Qarabağ"ın braziliyalı dayaq yarımmüdafiəçisi Juliu Romau üçün 2,5 milyon avro təklif hazırlayıb.

Lakin "Qarabağ" 26 yaşlı futbolçusu üçün qarşı tərəfdən 5 milyon avro gözləyir. Bu isə hazırda bu transferi mümkünsüz edir.

Qeyd edək ki, Juliu Romauya bu yay Macarıstan çempionu "Ferentsvaroş" da 1 milyon avro təklif etdiyindən, keçid baş tutmayıb.