"Turan Tovuz" Azərbaycan Premyer Liqasının IV turunda səfərdə "Qarabağ"ı 1:0 hesabı ilə məğlub edib.

Prosport.Az xəbər verir ki, qərb təmsilçisinin baş məşqçisi Kurban Berdıyev oyundan sonra keçirilən mətbuat konfransında fikirlərini bildirib:

- Fikirlərimi qısa ifadə etməli olsam, uşaqlara bu canfəşanlığa, oyuna, nizam-intizama görə təşəkkür edirəm. "Qarabağ"a "Dinamo" ilə matçda uğurlar arzulayıram. İnanıram ki, mərhələni keçməyi bacaracaq. 

- "Neftçi" ilə oyundan sonra demişdiniz ki, oyundan razı qaldım, amma nəticədən yox. Bəs bu gün necə?

- Əlbəttə, razı qaldım. Nəticədən razı qalmamaq mümkün deyil. "Qarabağ" çox güclü rəqibdir, Azərbaycan futbolunun flaqmanı sayılır.