Kiprin “Omoniya” klubunun futbolçusu Velko Simiç bu gün Nikosiyada Konfrans Liqasının pley-off mərhələsinin “Zirə”yə qarşı keçiriləcək ilk oyunu barədə fikirlərini bildirib.

Prosport.Az xəbər verir ki, “omonoianews.com”a danışan Simiç görüşdən gözləntilərini bölüşüb:

"Keyfiyyətli rəqiblə qarşılaşacağıq. Qarşıda bizi çətin oyun gözləyir. Amma inanıram ki, öz oyunumuzu oynasaq, uğurlu nəticə qazanacağıq. Müsbət nəticə üçün nə etmək lazımdır? İndiyə qədərki çıxışımızı təkrarlamalıyıq. Müdafiədə inamlı oynayıb, hücumda yaradıcı və dinamik olmaq lazımdır. Bu gün stadionun tam dolacağını gözləyirəm. Bu da bizə turnirin əsas mərhələsinə keçməyə kömək ola bilər".

Komandalar arasında GSP stadionunda keçiriləcək görüş saat 21:00-da başlayacaq.