Türkiyə mətbuatı “Ankaragücü”nün Birinci Liqanın “Ümraniyespor”la qarşıdakı oyunu üçün start heyəti ilə bağlı yazı dərc edib.

Prosport.Az xəbər verir ki, yerli mətbuat Ankara təmsilçisinin azərbaycanlı hücumçu Renat Dadaşovun bu görüşdə ilk "onbirlik"də meydana çıxıb-çıxmayacağı ilə bağlı da qeydlərini aparıb.

İddiaya görə, komandanın baş məşqçisi Cihat Arslanın bu şənbə günü start heyətində Osman Çelik və Renat Dadaşova şans verəcək. Təcrübəli hücumçu Riad Bayiçin isə ehtiyatda qalacağı gözlənilir.

Millimizin forvardı “Ankaragücü”nün heyətində iki oyuna çıxıb və hər ikisində meydana sonradan daxil olub. Dadaşovun aktivində bir qol var.