UEFA Konfrans Liqasının pley-off mərhələsində Kiprin “Omoniya” klubu ilə qarşılaşacaq “Zirə” bu oyunlar üçün heyətində dəyişiklik edib.

Prosport.Az xəbər verir ki, paytaxt təmsilçisi bu yay “Kəpəz”dən transfer etdiyi gürcü yarımmüdafiəçi Georgi Papunaşvilini iştirak ərizəsinə salıb.

Əvəzində, İsmayıl İbrahimlinin adı siyahıdan çıxarılıb. O, zədə səbəbindən “Omoniya” ilə matçlarda iştirak edə bilməyəcək.

“Zirə” “Omoniya”ya qarşı ilk oyununu avqustun 22-də səfərdə keçirəcək. Qarşılaşma Bakı vaxtı ilə saat 21:00-da başlayacaq. Cavab görüşü bir həftə sonra Bakıda olacaq.