“Qarabağ”ın Çempionlar Liqasının pley-off mərhələsindəki rəqibi Zaqreb “Dinamo”sunun heyətində dəyişiklik olub.

Prosport.Az xəbər verir ki, Xorvatiya çempionu iştirak ərizəsinə yeni futbolçu əlavə edib.

İspaniyalı Yan Oliveras ilkin sifariş vərəqində olmasa da, zaqreblilər siyahıya əlavə etmək hüququndan yararlanıb. 20 yaşlı müdafiəçi heyətə daxil olunsa da, onun qarşıdakı matçlarda iştirakına baş məşqçi qərar verəcək.

Qeyd edək ki, Oliveras “Roma”dan icarəyə götürülüb.