Dünyanın ən güclü futbol liqalarının qlobal reytinqi açıqlanıb.

Prosport.Az xəbər verir ki, cədvəldə planetin 71 ən yaxşı çempionatı yer alıb.

Azərbaycan Premyer Liqası dünyada 43-cüdür. Çempionatın əmsalı 43,872-dir.

Premyer Liqa hər 6 aydan bir açıqlanan cədvəldə 7 pillə irəliləyib. Azərbaycan çempionatı 2024-cü ilin əvvəlində 50-ci idi.

Siyahıda ilk sıralarda “Böyük beşlik” liqalarıdır. İngiltərə Premyer Liqası 1-ci, İspaniya La Liqası 2-ci, İtaliya A seriyası 3-cü, Almaniya Bundesliqası 4-cü, Fransa Liqa1-i 5-cidir.

Avropadan kənar liqalar arasında ən yüksək mövqe MLS-dədir. Şimali Amerikadakı turnir dünyada 9-cudur. Qardaş Türkiyənin Super Liqası “Top-10”u qapayır.

Qeyd edək ki, ən güclü aşağı liqa Çempionşipdir. İngiltərənin gücünə görə ikinci liqası dünyada 11-cidir.