Xorvatiyanın “Osiyek” klubunun kapitanı Vedran Yuqoviç Baklda “Zirə”yə qarşı keçirilmiş UEFA Konfrans Liqasının III təsnifat mərhələsinin cavab oyunundakı məğlubiyyəti (2:2, penaltilər – 1:2, ilk oyun 1- 1) şərh edib.

Prosport.Az xəbər verir ki, xorvatiyalı futbolçu “Zirə” səddini keçə bilməmələrini bununla əsaslandırıb:

"Zirə"yə qarşı hər iki görüşdə son dəqiqələrdə qol buraxdıq. Nə deyəcəyimi bilmirəm. Danışmaq çətindir. 90-cı dəqiqədə 16 metrdən qayçı zərbəsi ilə qol vurdular. Bizim üçün asan deyil. Qarşılaşmaya baxanlar gördülər ki, hamımız əlimizdən gələni etməyə çalışdıq. Üstünlük bizdə idi. Görünürdü ki, bizə qol vurmaq çətin olacaq. Bunun baş verməsinin yəqin ki, bir səbəbi var. Biz hər şeyi təhlil etməliyik. Uşaqlar sonadək mübarizə apardılar, komandanın yarısı matçdan sonra göz yaşlarını saxlaya bilmədi".