"Qarabağ"ın Çempionlar Liqasının pley-off mərhələsindəki rəqibi "Dinamo" növbəti oyununu keçirib.

Prosport.Az xəbər verir ki, Zaqreb klubu Xorvatiya çempionatının III turunda "Şibenik"i qəbul edib.

Paytaxt təmsilçisi çətinlik çəkmədən qələbə qazanıb. Sergey Yakiroviçin yetirmələri qonaq komandanın qapısından 3 cavabsız qol keçiriblər. "Dinamo" 3 turdan sonra maksimum nəticə ilə lider mövqeyində yer alıb.

Qeyd edək ki, "Qarabağ"la "Dinamo" arasında ilk oyun avqustun 20-də Zaqrebdə, cavab matçı isə 28-də Bakıda olacaq.