“Qarabağ”ın transfer etməyə yaxın olduğu “Stal"ın qapıçısı Mateuş Koxalski bu həftə Azərbaycana gələcək.

Prosport.Ax xəbər verir ki, 24 yaşlı qolkiper şəhər və klubun şəraiti ilə tanış olmaq üçün Bakıya təşrif buyuracaq.

Koxalski transferə razılıq verərsə, “Stal” rəhbərliyi artıq ağdamlılardan gələn təklifi qəbul etdiyi üçün keçidin tez başa çatacağı gözlənilir.

Daha əvvəl "Qarabağ"ın bu transfer üçün təxminən 1 milyon avro təzminat ödəyəcəyi bildirilirdi.

Qeyd edək ki, Mateuş Koxalski karyerası ərzində "Leqiya", "Radomyak" komandalarında oynadıqdan sonra 2022-ci ildə "Stal"a keçib. Onun hazırkı komandası ilə müqaviləsi 2025-ci il iyunun 30-na qədərdir.