Azərbaycanın daha bir güləşçisi Hacı Əliyev (65 kq) karyerasını başa vurub.

Prosport.Az xəbər verir ki, bu barədə idmançı özü sosial şəbəkə hesabında bildirib.

Karyerası ərzində 2 dəfə olimpiya medalı, 3 dəfə dünya və 4 dəfə Avropa çempionu olmuş 33 yaşlı güləşçi paylaşımına "Bu da son!" adlı başlıq verib.

"Əziz doğma xalqım. Artıq uzun illərdir ki, çoxlu qələbələr gətirmişəm və hər dəfə qələbə qazanıb bayrağımız ən zirvələrə qaldırmaq və himnimizi səsləndirmək mənim üçün böyü şərəf olub. Qazandığım qələbələr tək mənim yox, Azərbaycan xalqının qələbəsi olub. Mənə bu günə qədər dəstək olan hər kəsə öz təşəkkürümü bildirirəm", - deyə Hacı Əliyev bildirib.

Qeyd edək ki, daha əvvəl yunan-Roma güləşçimiz Sabah Şəriəti və qadın güləşçimiz Mariya Stadnik karyerasını bitirdiyini açıqlamışdı.