Azərbaycan milli komandasının hücumçusu Renat Dadaşov Türkiyədə çıxış edəcək.

Prosport.Az xəbər verir ki, "Ankaragücü" İsveçrənin "Qrasshopper" klubundan 25 yaşlı forvardı transfer edib. Bu barədə I Liqa təmsilçisinin mətbuat xidməti məlumat yayıb.

Millimizin üzvü paytaxt klubu ilə 2026-cı ilin yayına kimi nəzərdə tutulan müqavilə imzalayıb.

Qeyd edək ki, Renat Dadaşov ötən mövsüm icarə əsasında "Hatayspor"da çıxış edib. O, Super Liqa təmsilçisinin heyətində meydana çıxdığı 33 rəsmi matçda 6 qol vurub.