Slovakiyanın “DAK 1904”ün baş məşqçisi Sisko Munyos UEFA Konfrans Liqasının təsnifat mərhələsinin II turunun cavab oyununda “Zirə”yə məğlubiyyəti (1:2, ilk oyun – 0:4) şərh edib.

Prosport.Az xəbər verir ki, ispaniyalı mütəxəssis uğursuzluqlarının səbəbini açıqlayıb:

"Zirə”ni təbrik edirəm, əla iş gördülər. Amma onlar bizi heç nə ilə təəccübləndirmədi. “Şerif”lə matçlarda komandanın ustalığını, keyfiyyətini görmüşdük. Bizimlə oyunlarda da bunu maksimum dərəcədə göstərdilər. İlk oyunda onlar ilk dəqiqələrdən bizə 2 qol vurdular, sonra təcrübələri öz bəhrəsini verdi. “Zirə” Konfrans Liqasının nə olduğunu daha yaxşı bilir. Rəqib komanda daha yaxşı idi”.

Qeyd edək ki, "Zirə" Konfrans Liqasının III təsnifat mərhələsində Xorvatiyanın "Osiyek" komandası ilə qarşılaşacaq.