Azərbaycan Premyer Liqasında 2024/2025 mövsümünün təqvimində dəyişiklik olub.

Prosport.Az xəbər verir ki, I turun "Şamaxı" – "Sabah" oyunu ilə XVIII turun "Sabah" – "Şamaxı" matçının yeri dəyişdirilib.

Paytaxt təmsilçisi bununla bağlı PFL-ə rəsmi müraciət ünvanlayıb, bölgə klubu isə buna razılıq verib.

Bu, Bakı klubunun UEFA Konfrans Liqasında III təsnifat mərhələsinə daha yaxşı hazırlaşması məqsədi ilə edilib. "Bayquşlar" bu mərhələdə "Seynt Patriks Atletik" (İrlandiya) ilə üz-üzə gələcək.

Qeyd edək ki, avqustun 4-də keçiriləcək I turun "Sabah" – "Şamaxı" görüşü saat 17:30-da başlayacaq.