İsrailin "Makkabi" (Hayfa) klubu UEFA Avropa Konfrans Liqası II təsnifat mərhələsində "Sabah"a məğlub olaraq turnirdə mübarizəni dayandırıb.

Prosport.Az xəbər verir ki, Hayfa təmsilçisinin baş məşqçisi Barak Baxar matçdan sonra kçeirilən mətbuat konfransında jurnalistlərin suallarını cavablandırıb:

– Vəziyyəti dəyişə bilərdik. Amma olmadı. "Sabah"ı təbrik edirəm.

– 6 qol vurub mərhələ keçə bilməmək necə hissdir?
– Vəziyyəti düzəldə bilərdik. Amma bu alınmadı. Penaltilərlə uduzduq. Özümü çox ümidsiz hiss edirəm.

– Dünya futbolunda səfərdə 6 qol vurub, mərhələ keçməmək çox da görülməyib. Ola bilər ki, ilk oyunda "Sabah"ı ciddiyə almadınız?
– Xeyr. Biz vəziyyəti düzəldə bilmədik. "Sabah"ı isə ciddi komanda kimi qəbul edirdik.